Udalbatzarrak ohiko bilkura egingo du ostegunean, urtarrilak 28

Bilkura udalbatzarraren aretoan egingo da, udaletxean, distantzia- eta segurtasun-neurriak zainduta. 19:30ean hasiko da, eta gai hauek aztertuko dira:

Oraindik geratzen dira sarrerak Jon Gurrutxagaren eta Urbil Artolaren kontzerturako

Kultur etxean daude salgai Jon Gurrtxaga eta Urbil Artola musikariek ostiralean Arraunetxen emango duten kontzerturako sarrerak. 2 eurotan daude salgai. Ekitaldia 19:00etan izango da.

Gaztelupeko Hotsak diskoetxeak argitaratu duen «Kateak» diskoa aurkeztuko dute kontzertuan. Gospela, bluesa, folka eta pop-­rockaren eragina modu oso pertsonalean azaleratu du Gurrutxagak lan berrian eta, zuzeneko emanaldietan, Urbil Artolararekin batera ari da jotzen.

Udal Elkarteak dirulaguntzak emango dizkie eskualdeko enpresei, eskualdeko langabeak kontratatzeko

Dirulaguntzak eskatzeko azken eguna datorren ostirala izango da, urtarrilak 29.

Urola Kostako Udal Elkarteak 291.000,00 euro emango ditu dirulaguntzatan. Eskualdeko enpresei bideratutako dirulaguntza da, kontratazio gastuei aurre egiteko. Dirulaguntza-lerro honen helburua eskualdeko langabeen kontratazioa erraztea da.

Orioko Emakumeon* Ahalduntze Eskolak prentsaurrekoa eman du, urteko lehen jarduerak aurkezteko

Bertan izan dira Eider Goiburu eta Aizpea Esnaola, Ahalduntze Eskolakoak, eta Anuska Esnal alkatea eta Maite Ortiz gizarte-laguntzailea, Udalaren aldetik.

Aizpeak eta Eiderrek gogorarazi dutenez, 2019an sortu zen Ahalduntze Eskolaren proiektua: aurrena herriko emakumeen beharren diagnostikoa egin zuten eta, ondoren, Ahalduntze Eskola jarri zuten martxan, 2020an.

Hasieran proiektu txikia zen eta, batez ere, erreferentziazko toki bat sortu nahi zuten herriko emakumeentzat, eta prestakuntza-ikastaroak eta ekintzak antolatu. Ekimenak, ordea, arrakasta handia izan du eta, pixkanaka, aldatu ere egin da: herrian gertatzen diren indarkeria matxisten kasuak agertzeko toki bat bihurtu da hainbat herritarrentzat eta horiek bideratzeko laguntza eman dute Eiderrek eta Aizpeak. Ahalduntze Eskolak, beraz, beste dimentsio bat hartu du, hasieran aurreikusitakoa baino handiagoa.

Orio «zona gorrian» sartu da, COVID-19aren intzidentzia-tasak 500etik gora eginda

COVID-19aren Orioko 14 eguneko intzidentzia-tasa metatuak 500eko langa pasatu du gaur eta, ondorioz, herria «zona gorrian» sartu da.

Hori dela-eta, Eusko Jaurlaritzak zona gorrirako ezarritako neurri murriztaileak aplikatuko dira bihartik aurrera. Hauek dira, nagusiki, aplikatuko diren neurriak:

  • Herriaren perimetroa itxi egingo da
  • Ostalaritza itxi egingo da
  • Taldekako kirolik ez

«Euskaraz Gazte» literatur lehiaketan saritutako lanak argitaratu ditu Udalak

Udalak argitaratu berri ditu 2020ko «Euskaraz Gazte» literatur lehiaketan saritutako lanak. KARKARA aldizkariaren urtarrileko zenbakiarekin batera argitaratu ditu, gehigarri berezi batean, eta Orioko eta Aiako etxe guztietara banatu da.

Ondoko estekan ere irakurri daiteke lan sarituen gehigarria:

Euskaraz Gazte literatur lehiaketa 2020. Saritutako lanak (PDF)

HAZILAN programari buruzko informazio-saioa egingo da datorren ostegunean

Urtarrilean abiatuko da HAZILAN proiektuaren 11. edizioa eta dagoeneko zabalik dago izen-ematea. HAZILAN programa 20-44 urte bitartean dauzkaten eta goi mailako ikasketak dituzten pertsonei zuzenduta dago eta lana lortzera bideratuta dago.

Eskola-umeen aurtengo literatur lehiaketan lanak aurkezteko epea zabalik da dagoeneko

Aurtengoa lehiaketaren 34. edizioa izango da. Lanak aurkezteko epea martxoaren 18an bukatuko da eta interesatuek herriko bi ikastetxeetako zuzendaritzetan edo Udaleko Euskara Zerbitzuan aurkeztu ditzakete beren lanak.

LH 3tik hasi eta DBH4 bitarteko haur eta gaztetxoek har dezakete parte.

Haurreskolan izena emateko epea urtarrilaren 7an irekiko da, eta 13an itxi

Haurreskolan matrikulatzeko epea datorren ostegunean, urtarrilak 7, zabalduko da eta irekita egongo da urtarrilaren 13ra arte.

Matrikulatzeko, haurrak jaiota izan behar du.

Orain matrikulatzen diren haurrak martxotik aurrera hasiko dira haurreskolan.

Izena emateko ordutegia hau izango da: goizez, 11:30etik 14:30era.

Txurrumuski taldeko lagunek jasoko dituzte aurten Erregeen gutunak

Txurrumuski aisialdi-elkarteak ohar bat kaleratu du, haurrei azaltzeko bitartekari-lana egingo duela aurten, Erregeen gutunak jasotzeko. Honela dio Txurrumuskiren oharrak:

Hondakinen kudeaketa mankomunitatearen eskumena dela gogorarazten du Udalak

Egun hauetan kexak izan dira herritarren artean hondakinen bilketa dela-eta: abenduaren 25ean bilketarik egin ez zenez, hondakin ugari pilatu da hondakin-guneetan eta horrek kexak sortu ditu.

Horren aurrean Udalak gogorarazi nahi die herritarrei hondakinen bilketa ez duela Udalak kudeatzen, baizik-eta Urola Kostako Udal Elkarteak eta, beraz, kexak eta zerbitzua hobetzeko proposamenak hari bideratu behar zaizkiola:

Mari Domingi eta Olentzeroren bideoa

Lera taldearen laguntzaz etorri dira Oriora aurten ere Mari Domingi eta Olentzero.

Abenduaren 24ko iluntzean banatu zuten Lera taldekoek aurten prestatu duten bigarren bideoa. Aurrekoa bezala, bideo hau ere Miriam Garcia oriotarrak egin du, Lera taldeak eskatuta.