Albisteak

Udalak eta Arraun Elkarteak protokolo bat adostu dute, aurtengo alironak behar bezala antolatzeko. Protokolo horren arabera, herriko arraunlariek asteburuan banderaren bat irabazten badute, errezibimendua igande arratsaldeko 20:00etan egingo da udaletxean.

Etxafuegoen kodea

Horrez gain, Udalak eta Arraun Elkarteak kode bat zehaztu dute etxafuegoak botatzeko, jendeak jakin dezan, entzundakoan, zein ligatako bandera irabazi den: bi etxafuego entzuten badira, KAE ligako estropada izango da irabazitakoa; hiru etxafuego badira, TKE-Euskolabel ligakoa; eta lau etxafuego entzunez gero, TKE-Euskotreneko neskek irabazi duten seinale.

Anuska Esnal Oliden alkatearekin aurrez aurre hitz egin nahi duten herritarrek horretarako aukera daukate, udaletxean aldez aurretik zita hartuta.

Astearte eta ostegun goizetan

Alkateak astearte eta ostegun goizak baliatuko ditu herritarrekin aurrez aurreko bilerak egiteko eta, beraz, proposamen, iradokizun edo kexaren bat duten herritarrek aukera izango dute berari zuzenean planteatzeko.

Udaleko Euskara batzordeak antolatuta, errefortzu-eskolak jarri dira abian aurten ere, ikasle etorriberrien euskara-maila hobetzeko.

Astean hiru aldiz hartzen dituzte klaseak: astelehen, asteazken eta ostiraletan, ordu betez. Bi eskoletako haurrak ari dira parte hartzen, bi taldetan banatuta, adinaren arabera. Uztaila osoa emango dute horretan.

Urola Kostako Udal Elkarteak oharra argitaratu du, herritarrei gogorarazteko zein diren etxeko hondakin handiak (altzariak, etxeko tresna elektrikoak, bestelako etxeko tresnak, koltxoiak…) biltzeko egunak. Oharrak honela dio:

Etxeko hondakin handiak horretarako jarritako egunean atera behar dira eta txukun utzi behar dira

Azken asteotan etxeko hondakin handi asko (altzariak, etxeko tresna elektrikoak, bestelako etxeko tresnak, koltxoiak…) agertu da Aia, Getaria, Orio, Zarautz eta Zumaian edukiontzien inguruetan, tokatzen ez den egunetan eta narras utzita. Egun bat dago jarrita hondakin horiek ateratzeko.

Udalak uztaileko eta abuztuko ekitaldien programa kaleratu berri du. Hau da:

UZTAILAK 6, LARUNBATA
22:00 Eta… zer gehiago? ikuskizuna Arraunetxen, Xabier Lizaso, Andoni Egaña eta German Ormazabalen eskutik.
22:00 Zinea Kalean: Campeones filma hondartzan.

Anuska Esnal alkateak esker oneko gutuna idatzi die aurtengo San Pedro jaiak antolatu dituztenei eta era batera edo bestera parte hartu duten herritarrei. Honela dio:

Eskerrik asko, Orio!

Oinarri horia eta arrantzalea duen herria da gurea. Taldean lan egiten eta taldean eragiten dakiena. Eta hori erakutsi du berriro San Pedro jai hauetan ere.

Bilkura udalbatzarraren aretoan izango da, udaletxean, eta 20:00etan hasiko da. Gai hauek aztertuko dira:

1.- Onartzea, egoki bada, 2019ko ekainaren 15eko udalbatzarra eratzeko bilkuraren aktaren zirriborroa.

2.- Onartzea, egoki bada, udalbatzarraren ohiko bilkuren maiztasuna.

3.- Onartzea, egoki bada, alkate eta zinegotzien liberazioak eta dagozkien ordainsariak.

Ekainaren 28an ospatzen da nazioartean LGTBIQ kolektiboaren eguna, lesbiana, gay, transexual, bisexual, intersexual eta queer-en eskubideak aldarrikatzeko.

Egun horri Gay Harrotasunaren Eguna esaten zaio eta mundu osoan ospatzen da, jai giroan.

Gay Harrotasunaren Eguneko aldarrikapenekin bat egiteko, Udalak ostadarraren bandera koloreduna zintzilikatu du udaletxeko balkoian, San Pedro jaietan bertan egon dadin eta herritarrek, egun hauetan, LGTBIQ kolektiboaren eskakizunak gogoan izan ditzaten.

10 urte bete ditu Mintzalagun egitasmoak Urola Kostan eta, hori ospatzeko, ikasturte-bukaerako ekitaldi berezia egin zen Zarauzko Modelo Aretoan ekainaren 20an. Ekitaldi horren bidez eman zitzaion bukaera ikasturteari.

Urtero egin ohi da Mintzalagun programaren ikasturte amaierako ekitaldia, baina aurtengoa berezia eta emozioz kargatutakoa izan zen. Hamarkada bateko ibilbidea jaso zen argazki bidez eta, ondoren, bidelagun nahiz bidelarien lana aitortu eta saritu zen.

Udaltzaingoak ohar hau argitaratu du, San Pedro jaietan ibilgailuen zirkulazioan egingo diren aldaketak jakinarazteko:

San Pedro festetan Herriko Plaza itxi egingo da ibilgailuentzat, urtero bezala, ekainaren 28ko 16:00etatik aurrera, eta itxita izango da uztailaren 2ko 07:00ak arte.

Trafiko aldaketak hauek izango dira:

• Kaian zirkulazioaren norabidea aldatu egingo dugu.
• Ibilgailuak moilatik barrena sartuko dira herrira eta DEBEKATUA izango dute bide hori erabiltzea herritik ateratzeko.
• Herritik ateratzeko, NAHITANAHIEZ, Txanka-hondartzako bidea erabili beharko da.

Herritarrei eskatzen diegu kolaboratzea eta arau hauek betetzea.

Eskerrik asko aldez aurretik.

Udalerri Euskaldunen Mankomunitateak urtean bi aldiz paperean argitaratzen duen aldizkariaren zenbaki berria kalean da. UEMAko kide diren udaletako etxe guztietara banatzen da Berripapera, eta 108.000 aleko tirada du. 2019ko ekaineko zenbakia da argitaratu berri dena, eta ostegun honetan banatuko da, San Pedro jaietako programa jasotzen duen ekaineko Karkara aldizkariarekin batera.

Udalak berritu egin du inguru horretako argiteria publikoa eta, horretarako, eguzki-plakenbidez funtzionatzen duten 26 farola berri instalatu ditu, Lizargarateberri etxetik San Martin ermitaren pareraino.

Obra zibila Luxarbek egin du eta argien instalazioa, berriz, Loyola Norte enpresak. Instalatu diren farolak Ekiona enpresarenak dira.

67.000 euroko kostua

Lan horien kostua, guztira, 67.000 eurokoa izan da (BEZa barne) eta Udalak Eusko Jaurlaritzako Landa Garapenerako Sailaren 47.000 euroko dirulaguntza jaso du, farola berriak instalatzeko. Udalak, beraz, 20.000 euroko gastua izan du.