Adineko oriotarren ahotsa biltzen ari da Udala

Udala elkarlanean ari da ahotsak.eus webgunea kudeatzen duen Badihardugu elkartearekin, Orioko adineko jendearen ahozko testigantzak jaso eta katalogatzeko.

Adineko jendea altxor bat da, emateko asko daukana: hizkuntza bizi-bizia, eskarmentua, jakintza, kontakizun ederrak… ahotsak.eus ekimena abiatu duen Badihardugu elkarteak Euskal Herri osoko lagunen ondare hori biltzen du eta, Orioko Udalarekin elkarlanean, gure herriko jendearen testigantzak ere jasotzen ari da.

Zabalgune eta plaza batzuen izena erabakitzeko parte-hartze prozesua abiatu du Udalak

Herriko zabalgune eta plaza batzuek ez daukate izenik gaur egun eta Udalak izendatu egin nahi ditu.

Izenak erabakitzeko, parte-hartze prozesua egingo du Udalak:

  • 1. fasean, herritarren proposamenak jasoko dira web-orrialde honen bidez.
  • 2. fasean, Udaleko Obra eta zerbitzuetako batzordeak aztertuko ditu proposatutako izenak.
  • Azkenik, toki jakin batzuetan proposamen egoki bat baino gehiago baldin badago, Udalak galdeketa ireki bat egin dezake dauden aukeren artean erabakitzeko.

Oraindik badaude sarrerak Jon Gurrutxagaren eta Urbil Artolaren ostiraleko kontzerturako

Jon Gurrtxaga eta Urbil Artola musikariek kontzertua emango dute Orion martxoaren 26an, ostiralarekin, «Kateak» diskoa aurkezteko. Ekitaldia 19:00etan izango da, Arraunetxeko aretoan.

Kontzertua urtarrilaren 29an egitekoa zen, baina bertan behera geratu zen Orioko pandemia-egoerak okerrera egin zuenean, Udalak bere instalazio guztiak ixtea erabaki baitzuen.

Kontzerturako sarrerak aldez aurretik erosi behar dira, 2 euro ordainduta, eta interesatuek oraindik badaukate erosteko aukera kultur etxera joanda.

Haurreskolan izena emateko epea apirilaren 12an irekiko da, eta 21ean itxi

Orioko Maria Maestra haurreskolan matrikulatzeko epea apirilaren 12an zabalduko da, Pazko astearen ostean, eta irekita egongo da apirilaren 21era arte.

Matrikulatzeko, haurrak jaiota izan behar du.

Orain matrikulatzen diren haurrak irailetik aurrera hasiko dira haurreskolan.

Arnasguneen garrantzia nabarmendu nahi du UEMAk, Jaurlaritzarekin eta Nafarroako Gobernuarekin abiatutako kanpainaren bidez

«Arnasa gara» du izena kanpainak eta helburu hau du: arnasguneek euskararentzat eta Euskal Herriarentzat duten garrantzia nabarmentzea.

Kanpaina orain dela bi urte abiatu zen, eta orain aurkeztu den fase berrirako zortzi bideo labur sortu dituzte, hizkuntza-ohituren inguruan hausnartzeko. Bideo horiek datozen bi hilabeteotan zabalduko dituzte, astero bat . Kanpainari hauspoa emateko, musikarien, aktoreen, kazetarien eta kirolarien laguntza izango dute sare sozialetan.

Udalbatzarrak ohiko bilkura egingo du ostegunean, martxoak 25

Bilkura udalbatzarraren aretoan egingo da, udaletxean, distantzia- eta segurtasun-neurriak zainduta. 19:30ean hasiko da, eta gai hauek aztertuko dira:

TicketBAI proiektuari buruzko bi informazio-saio antolatu ditu Udal Elkarteak

TicketBAI (TBAI) proiektua Eusko Jaurlaritzak eta Araba, Bizkaia eta Gipuzkoako foru-aldundiek bultzatzen dute; funtsean, fakturazio-software bat da TicketBAi eta, indarrean sartzen denetik aurrera, jarduera ekonomikoren bat egiten duten pertsona fisiko nahiz juridikoek fakturazio-software hori erabili beharko dute.

TicketBAI zer den azaltzeko, bi informazio-saio antolatu ditu Urola Kostako Udal Elkarteak:

«45 + Indartzen» egitasmoaren 4. edizioa abiatu du Udal Elkarteak

«45 + Indartzen» 40 orduko prestakuntza-programa bat da, 45 urtetik gorako herritarrak lan-munduan txertatzen laguntzeko.

Programaren 4. edizioa jarri du martxan Urola Kostako Udal Elkarteko Enplegu Zerbitzuak.

Orain arteko edizioen arrakasta ikusita, aurten programaren bi edizio egingo ditu Udal Elkarteak: lehenbizikoa apirila eta maiatza artean, eta bigarrena, berriz, azaro-abenduetan.

Bainatzeko uren kalitateari buruzko iritziak jaso nahi ditu Europako Batzordeak

Europako Batzordeak bainatzeko uren inguruko legedi europarra berraztertzeko prozesua jarri du martxan eta, horren barruan, herritarren iritziak eta ekarpenak jaso nahi ditu, galdetegi baten bidez (ingelesez):

https://ec.europa.eu/info/law/better-regulation/have-your-say/initiatives/12658-Bathing-water-quality-review-of-EU-rules

Martxoaren 29a izango da azken eguna Udalak deitutako lan-poltsetan izena emateko

Gaurko egunez argitaratu dira Gipuzkoako Aldizkari Ofizialean Udalaren iragarkiak, zazpi lanpostutarako lan-poltsak eratzeko deialdia egiten dutenak.

Lan-poltsa horien deialdian parte hartu nahi dutenek martxoaren 29a dute eskaerak aurkezteko azken eguna. Horretarako, eskari-orria betetzeaz gain, oinarrietan zehazten diren agiriak aurkeztu behar dituzte udaletxean.

Orioko Udalak eta herriko ikastetxeek bat egin dute martxoaren 8ko aldarrikapenekin

Eskualdeko udalak eta ikastetxeak biltzen dituen Hezkidetza Foroaren ekimenez, mezu bateratu bat zabaldu dute Orioko Udalak, Zaragueta eskolak eta Herri Ikastolak, astelehenean, martxoak 8, ospatuko den Emakumeen Nazioarteko Eguna dela eta.

Bi oriotarrek parte hartu dute aurtengo Andoaingo Piano Jaialdian

Otsailak 27 eta 28an egin zen, Andoainen, aurtengo 16. Piano Jaialdia, bizi dugun pandemia-egoerak baldintzatuta egin behar izan dena.

Urtero bezala, Orioko ordezkaritza bat izan da jaialdian, nahiz eta aurten besteetan baino txikiagoa izan den, bi ikasle hauek baizik ez baitira joan: