Aurten ezin izango da ospatu Balearen Eguneko festa handia

Bizi dugun pandemia-egoera dela eta, Udalak ezin izango du aurten ospatu Balearen Eguneko festa handia.

2001ean lehenbiziko aldiz egin zenetik, bost urtetik behin antolatu du Udalak Balearen Eguneko festa handia eta, beraz, aurten egitea tokatzen zen. Urte gutxitan, Orioko herriaren nortasunaren erakusgarri bihurtu da festa; baina Udalak, egoerak bultzatuta, aurten ez antolatzea erabaki du, pandemiak gisa horretako festa bat egitea erabat ezinezkoa bihurtzen duelako. Herritarren osasuna eta segurtasuna zaintzea da Udalaren lehentasuna eta, horiek ziurtatu behar ditu beste ezeren gainetik.

Eskola-umeen literatur lehiaketaren sariak banatuko dira larunbatean, segurtasun- eta osasun-arauak zainduta

Udalak urtero antolatzen du eskola-umeen literatur eta marrazki-lehiaketa. Iazkoa bertan behera geratu zen, pandemia-egoeragatik, baina aurten normaltasunez egin da.

Aurtengoa lehiaketaren 34. edizioa izan da.

Udaldian aparkatzeko eranskailuak maiatzaren bukaera baino lehen bidaliko ditu Udalak etxera

Udalak, urtero bezala, etxera bidaliko dizkie aparkatzeko eranskailuak ibilgailuen zerga dagoeneko ordainduta daukatenei (betiere, Udalarekin zorrik ez badute).

TAO sistema martxan jarri aurretik jasoko dute eranskailua etxean, maiatzaren bukaera baino lehen.

Ordaintzeko epeak

Ordainketa helbideratuta daukatenei apirilean kobratu zaie ibilgailuen zerga.

Helbideratuta ez dutenek apirilaren 30era arteko epea zuten, zerga borondatez ordaintzeko. Epearen barruan ordaindu ez dutenei %5eko errekargoa aplikatzen zaie.
Zerga aurrezki-kutxa edo banketxe baten bidez ordaindu behar da, gaian ibilgailuaren matrikula jarrita.

Hilerriko lurzorua berrituko du Udalak, asteartean hasita

Hilerriko zati batean asfaltozko lurzorua oso hondatuta dago eta konpontzeari ekingo dio Udalak, asteartean, maiatzak 11n, hasita.

Gaur egun asfaltozkoa da lurzorua eta, horren ordez, inprimatutako hormigoia jarriko du Udalak.

Udalak bat egiten du atzoko eraso matxista salatzeko elkarretaratzearekin

Atzo iluntzean eraso matxista bat izan zen Orion eta, hori salatzeko, Xaltxerak taldeak elkarretaratzea deitu du gaurko. Elkarretaratzea 19:00etan izango da Herriko Plazan, «Erasorik ez erantzunik gabe» lelopean.

Udalak bat egiten du Xaltxerak taldeak antolatu duen elkarretaratzearekin. Orioko Udalak ez du horrelako erasorik onartuko eta irmo jarraituko du lanean indarkeria matxistarik gabeko herri baten alde.

IndarkeriaMatxistarikEz

Merkatarien ginkana antolatu du Arkupek, Balearen Eguna dela eta

Arkupek merkatarien ginkana antolatu du maiatzaren lehen bi asteotan, Udalaren eta Eusko Jaurlaritzaren laguntzarekin.

Merkatarien ginkana Arkupek Gabonak inguruan antolatu ohi duenaren antzekoa da eta herrian kontsumitzea bultzatzea du helburu: maiatzaren 14a bitartean ekimenean parte hartzen duten herriko establezimenduetako batean kontsumituz gero, bezeroak txartel bat jasoko du, sei zigilu jotzeko tokia duena. Sei establezimendu desberdinetako zigiluak lortu beharko ditu kontsumitzaileak eta, orduan, zozketa batean parte hartuko du: 200 euroko bost erosketa-bonu zozkatuko dituzte, parte hartzen duten negozioetan gastatzeko.

Hondakinak Biltzeko Zerbitzuak birziklatzeko etxola jarri du Orion

Birziklatzeko etxola etxeko hondakin arriskutsuak bereizita uzteko gune bat da. Zerbitzu iraunkorra eskaintzen du, eta herritarrek noiznahi laga ditzakete hondakinak han.

Gaur instalatu da Orion birziklatzeko etxola hori, Mendibeltz futbol eta softbol zelaiaren ondoan, argazkian ikusten den bezala. Metalezkoa da eta segurtasun handiko egitura du. Herritarrek paretan dituen zuloetatik sartu behar dituzte etxeko hondakin arriskutsuak.

«Izan Be Digital» ekimenaren 2. edizioa antolatu du Udal Elkarteak

Herritarrak Adimen Artifizialaren alorrean gaitzea izango du helburu 90 orduko prestakuntza-programak.

Adimen Artifiziala izango du ardatz prestakuntzak. Datozen urteetako eraldaketari begira, funtsezkoak izango dira teknologia digitalak eta, bereziki, Adimen Artifiziala estrategikoa izango da. Horretarako, ezinbestekoa da trebakuntza sustatzea eta arlo horretan talentua sortzea.

Programaren xehetasunak

90 orduko prestakuntza izango da. Ikastaroak lau aste iraungo du: maiatzaren 31tik ekainaren 25era. Saio guztiak goizez izango dira; 09:30etik 14:00etara, Udal Elkartearen egoitzan.

Maiatzeko eta ekaineko kultur agenda argitaratu du Udalak

Udalak kaleratu berri du maiatzeko eta ekaineko kultur jardueren agenda.

Ekitaldietarako sarrerak aldez aurretik erosi behar dira kultur etxean eta ekitaldia baino hamabost egun lehenago jarriko dira salgai. Gogoan izan sarrerak mugatuta daudela, aforo kontuengatik.

Hauek dira bi hilabete hauetako kultur ekitaldiak:

Ontzi arinak hobeto birziklatzeko deia egin du Udal Elkarteak

Azken bi urteetan gora egin du edukiontzi horietan botatzen diren hondakin ez egokien kopuruak eta, hori dela eta, Udal Elkarteak kanpaina abiatu du, herritarrei hobeto birziklatzea eskatzeko.

Datozen hilabeteetan, arreta berezia jarriko du Udal Elkarteak ontzi arinentzako edukiontzietan, edukiontzi horietan. 2018an Hondakinak Biltzeko Zerbitzua ezarri zenetik, ondo sailkatutako hondakinen ehunekoa 20 puntu baino gehiago igo da eskualdean. Bilakaera positiboa da eta herritar gehienen jarrera eredugarria bada ere, hobetzen jarraitzeko ezinbestekoa da hondakinak egoki sailkatzea; bereziki, ontzi arinak.

Udalbatzarrak ohiko bilkura egingo du ostegunean, apirilak 29

Bilkura udalbatzarraren aretoan egingo da, udaletxean, distantzia- eta segurtasun-neurriak zainduta. 19:30ean hasiko da, eta gai hauek aztertuko dira:

Lanbidek dirulaguntzak ematen ditu, enpresa-ideiak aztertzeko eta enpresa berriak abian jartzeko

Lanbide-Euskal Enplegu Zerbitzuak, Urola Kostako Udal Elkartearen laguntzarekin, programa bat abiatu du, eskualdeko ekintzaileei zuzendutakoa.

Maiatzaren 19an hasi eta hiru hilabeteko iraupena duen programa honen bitartez,ekintzaileak aukera izango du astean behin taldeko saio eta bakarkako tutoretzen bitartez bere enpresa-ideia lantzeko eta enpresa sortzeko. Era berean, prozesuan parte hartzeagatik dirulaguntza jaso ahal izango du.