Udalak bat egin du UEMAren «Bertatik Bertara» kanpainarekin, eta herriko establezimenduak suspertzeko ahaleginarekin uztartu du

Udalak banan-banan bisitatuko ditu herriko ostalaritza-establezimenduak egunotan, abian jarri duen merkataritza-kanpainaren barruan. Bisitaren helburuak hauek dira:

Hazilan programaren 10. edizioaren deialdia egin du Udal Elkarteak

Urola Kostako Udal Elkarteak HAZILAN egitasmoaren hamargarren deialdia egin du. Egitasmoa eskualdeko enpresei eta langabeei edota lana hobetu nahi duten 20-44 urte eta goi mailako ikasketak dituztenei bideratuta dago: langabeen kasuan, laneratzen laguntzeko; eta, lanean ari direnen kasuan, beren lan-aukerak hobetzeko.

Lasaitasunerako deia egin du Udalak, azken aldiko COVID-19 positiboak direla eta

Azken egunotan COVID-19a detektatzeko PCR probatan Orion azaldu diren positiboak direla eta, ezinegona eta kezka sortu da herritarren artean eta, horren aurrean, Udalak lasaitasun-mezua transmititu nahi du.

Petti musikariak kontzertua emango du Arraunetxen uztailaren 24an

Petti abeslari nafarrak kontzertua emango du Orion uztailaren 24an, ostiralarekin. Kontzertua 20:00etan izango da, Arraunetxeko aretoan.

Kontzertua Udalak antolatu du udako programaren barruan. Aurreko asteko kontzertua bezala, Arraunetxen egingo da, jendearen arteko distantziak zaindu ahal izateko eta aforoarekin arazorik ez izateko.

Sarrerak 2 eurotan salduko dira eta aldez aurretik erosi behar dira kultur etxean. 80 sarrera jarri dira salgai eta dagoeneko erosi daitezke.

Biharko programatuta zeuden uretako puzgarriak atzeratzea erabaki du Udalak

Kontuan hartuta Eusko Jaurlaritzak emandako irizpideak eta inguruotan bizi dugun osasun-egoera, Orioko Udalak erabaki du atzeratzea biharko programatuta zegoen uretako puzgarrien jarduera.

Bihar, uztailak 21, asteartearekin, egitekoa zen uretako puzgarrien jarduera anbulatorio ondoko arranplan, baina Udalak abuztura atzeratzea erabaki du. Oraindik ez da zehaztu noiz egingo den, baina, data erabakitakoan, webgune honen bidez jakinaraziko du Udalak.

«Udan elkar zaintzen» programa bertan behera utzi dute Txurrumuskik eta Udalak

Kontuan hartuta Eusko Jaurlaritzak emandako irizpideak eta inguruotan bizi dugun osasun-egoera, Orioko Udalak eta Txurrumuski aisialdi-elkarteak bertan behera utzi behar izan dute herriko haurrentzat antolatutako «Udan Elkar Zaintzen» programa. Astelehenetik aurrera, beraz, ez da zerbitzu hori emango.

Erakusketa eta informazio-saio bat izango dira Arraunetxeko aretoan, Dikeko eta Kofradiako Plana herritarrei azaltzeko

Orioko Hiri Antolamenduko Plan Orokorra Dikeko eta Kofradiako eremu ez-jarraituan aldatzeko tramitazioa abiatu du Udalak eta, tramitazio horren barruan, herritarrek parte hartzeko plan bat jarri du martxan, aldaketaren sustatzailearekin batera.

«Urola Kosta: itsas-lurra» sustapen-kanpaina Frantziara hedatu du Udal Elkarteak

Turismo jasangarria sustatzeko helburuarekin sortutako kanpainak pasa den astean ekin zion ibilbideari Gipuzkoa, Euskal Herria, Errioxa, Kantabria, Madril eta Kataluniako lurretara iritsiz. Gaur Orion egindako agerraldian, Udal Elkarteak adierazi du kanpaina Frantziara hedatu dutela.

Kanpainan Urola Kostako turismo-aukerak promozionatzen dira, Aia, Zarautz, Zumaia, Orio eta Getariaren ezaugarri bereizgarriak kontuan izanda, baina identitate bateratu bat sortuz. COVID-19ak eragindako krisiaren aurrean jarduera ekonomikoa dinamizatzea du helburu, betiere segurtasun- eta prebentzio-neurriak betez.

Alkateak igandeko estropadetara ez etortzeko deia egin die herritarrei

Igande eguerdian Orion jokatuko diren estropadak direla eta, oharra argitaratu du Anuska Esnal Oliden alkateak, herritarrei eskatuz Oriora ez etortzeko eta estropadak telebistaz ikusteko.

Honela dio oharrak:

COVID-19ak guztiz baldintzatu du gure egunerokoa azken hilabeteotan eta, pandemiari aurre egiteko ahalegin handia egin dugun arren, oraindik ez dugu egoera gainditu. Gure eskualdean, gainera, kezkatzeko motiboak baditugu azken egunotan gaixotasunak egin duen eboluzioarekin eta, horrenbestez, arduraz jokatzeko unea da.

Bertatik bertarako ikuslerik gabe jokatuko dira igandean «Orio Kanpina» banderak

Igandean, uztailak 19, Orioko 30. estropadak jokatuko dira Orioko uretan, eguerdi inguruan. Estropada-eremua aurreko bi urteetako bera izango da: Orioko kanpoko espigoiaren aurretik abiatu eta Mollarri aldera.

Euskotren ligako estropada jokatuko dute neskek aurrena, 11:40ean hasita: 8. ORIO KANPINA bandera.

Ondoren, Eusko Label ligako estropada jokatuko dute mutilek: ORIOKO 30. ESTROPADAK. 8. ORIO KANPINA bandera.

Ostiral goizean itxita izango da moilako bidea, obragatik

Herriko sarrera-irteerak, beraz, Txanka-hondartzako bidetik egin beharko dira 08:00etatik 13:00etara.

Bizkarreneko etxearen atzeko edukiontziak lur azpikoak izango dira aurrerantzean eta horiek instalatuko dituzte uztailaren 17an, ostiralarekin. Lana egiteko ordu batzuk beharko dituzte eta, bitartean, moilako zirkulazioa itxi egingo da bi norabideetan. Lanak goizeko zortzietan hasiko dira eta bukatu orduko irekiko da berriz moilako bidea, beranduenez 13:00etan, ezeren konplikaziorik ez bada.

Barkatu eragozpenak.

Beste bi ikastaro antolatu ditu Udal Elkarteak, lan bila ari direnentzat

Langabe nahiz langileen bideratutako 14 ikastaroko prestakuntza-zikloa eskaini du Urola Kostako Udal Elkarteak ekainean. Ekimenak harrera ona izan du eta jendearen eskaerari erantzunez, bi ikastaro gehiago antolatu ditu, uztailean:

  • Linkedin sare sozial profesionalari buruzkoa
  • Kanban sistemari buruzkoa