Albisteak
Atzo probako ibilaldi batzuk egin ondoren, gaur hasiko da martxan Orioko txu-txu trenaren zerbitzua, hondartza eta herrigunea lotzeko. Irailaren 11ra arte emango du zerbitzua.
Bilkura udalbatzarraren aretoan egingo da, udaletxean. 19:30ean hasiko da, eta gai hauek aztertuko dira:
Pasa den ekainaren 1ean jarri zen indarrean TAO sistema berria, eta herritarrengandik jasotako iradokizun bat aztertu ondoren, egonaldi laburreko aparkalekuen denbora muga luzatzea erabaki du Udalak.
Ostegun honetan, ekainak 23, Patxi Oliden Danbolin zenari omenaldia egitekoak ziren hondartzan. Orioko Surf Taldeak eta Orioko Udalak elkarlanean antolatu dute ekitaldia, eta surf-taldeak hondartzan duen lokalaren kanpoaldean Danbolin-en omenezko bi mural jarriko dituzte.
Harribil dantza-taldeak antolatuta, urtero bezala, sorgin-dantza egingo da bihar iluntzean, ekainak 23, San Joan Berde eguna. Ohiturari jarraituz, sorgin-taldea Kosta tailerretik aterako da kalejiran 21:00etan eta, ondoren, suaren inguruko dantza egingo du ikastola aurreko plazan, 22:00etan hasita.
Ekainaren 9an bukatu zuten Urola Kostako Mintzalagun programaren 13. ikasturtea. Aurten, Orion, Zarautzen eta Zumaian osatutako 28 taldetan elkartuta, guztira, 104 pertsona inguruk hartu du parte programan. Orion lau talde ibili dira astero juntatzen, ikasturtean zehar.
Anuska Esnal Orioko alkateak, Xabi Ibarguren kultur zinegotziak eta Iker Apaolaza kultur teknikariak agerraldia egin dute gaur kultur etxean, ekainaren 28tik 30era ospatuko diren San Pedro jaien programaren berri emateko. “Oso pozik gaude herritarrengandik jaso dugun egitarau oparoarekin, festak ospatzeko gogoz”, adierazi du Esnalek.
Pasa den larunbatean, ekainak 18, Zaragueta Herri Eskolaren ikasturte amaierako eguna ospatu zuten irakasle, guraso eta ikasleek eta, jai-giroa aprobetxatuz, eskolan sortu duten Baleatik Baleara mahai-jokoa aurkeztu zuten. Jolasa eskuragai jarri dute 15 euroan Ontzan, Zipristinen, The Passen eta Iturainen.
Asteazkenean, ekainak 22, gaur egun indarrean dagoen animalien ordenantzaren inguruan hitz egiteko bilera antolatu du Udalak kultur etxean, 19:00etan. Gaian interesa duten herritar guztiei zuzendutako saioa izango da, eta iritziak eta proposamenak konpartitzeko helburua du.
Datorren ostiralean, ekainak 24, ikasturteari behar bezalako itxiera emateko, yoga saioa prestatu du Ahalduntze Eskolak Aldape baserrian eta, ostean, merienda egingo dute. 18:30ean hasiko da, eta Yoga Neeruko Jesica Morales arduratuko da saioa gidatzeaz.
Hondartzako petrila, surfeko lokaletik hasi eta Orioko Barra tabernan bukatzen dena, hondatuta dago hainbat tokitan eta Udalak konpontzea erabaki du. Atzo hasi zituzten konponketa-lanak, eta datorren astean bukatzea aurreikusten du Udalak.
Mutiozabal ontziola bere jarduera nagusia berreskuratzeko bidean da. Datorren ikasturtetik aurrera Albaola Itsas Kultur Faktoriak ontzigintza tradizionala ezagutarazteko jarduerak eskainiko dizkie ontziolan Euskal Herriko ikastetxeei eta, egun hauetan, eskolako eta ikastolako ikasleak ibili dira han, proba pilotua egiten. Albaolako arotzak eta dinamizatzaileak arduratu dira saioez.