Urola Kostako Udal Elkarteak 2021eko aurrekontua onartu zuen asteazkenean

Traducción automática al castellano

2021eko aurrekontua 9.081.770 eurokoa da. Abenduaren 16an Udal Elkartearen egoitzan egindako Batzar Nagusian onartu dute Aia, Getaria, Orio, Zarautz eta Zumaiako zinegotziek. Aurrekontuak EAJko eta Elkarrekin Podemoseko hautetsien eta PSE-EE alderdiko hiru zinegotziren aldeko botoekin onartu dituzte. EH Bilduko hautetsiek aurka bozkatu dute eta PSE-EEko zinegotzi bat abstenitu egin da.

Lourdes Salsamendi presidenteak eman zituen atzo xehetasunak hedabideen aurrean eskainitako prentsa-agerraldian. Azaldu zuenez, «Hiru funts nagusi betetzera bideratuko da aurrekontua: ehun ekonomikoaren babesa eta enpleguaren sustapena, hondakin kudeaketa egokia eta Urola Kostako etorkizuneko zimendu eta proiektuen garapena».

«Salbuespenezko aurrekontuak dira Covid-19ari aurre egiteko neurriak hartzen baititu barne. Eraldaketa sozioekonomiko izugarriak ari gara bizitzen eta ezinbesteko da erantzuteko eta egokitzeko gaitasuna areagotzea. Covid-19ak eragindako pandemia dela eta, sarrerak murriztu diren arren, inbertsio publikoa eskualdearen traktore izatea dugu jomuga, ingurune sozial zein ekonomikoa berreskuratu artean».

Informazio gehiago Udal Elkartearen webgunean

Webgune honek cookie propioak eta besteenak erabiltzen ditu, nabigazio zerbitzuak hobetzeko asmoz. Nabigatzen jarraitzen baduzu, gure cookieen politika onartzen duzula ulertuko dugu.