Lan-mahaia osatu du alkateak herriko zerbitzuetako ordezkariekin, koronabirusak sortutako egoeran modu koordinatuan jarduteko

Traducción automática al castellano

Koronabirusak sortutako egoera dela-eta, lan-mahai bat eratu du alkateak, eragile guztiok modu koordinatuan jarduteko.

Lan-mahai horretan herriko zerbitzuetako ordezkari banak parte hartuko du, jende asko mugitzen duten elkarteekin batera: anbulatorioa, udal-zerbitzuak, kiroldegia, musika-eskola, kultur etxea, ludoteka, gaztelekua, Zaharren Babeslekua, arraun-elkartea, futbol taldea…

Aurrekaririk ez duen egoera baten aurrean gaude eta Udalak uste du garrantzizkoa dela guztiok batera jardutea, modu koordinatu eta efikazean.

Lan-mahai horretan landuko dira irizpideak aurrerantzean hartu beharreko neurriak erabakitzeko.

Udalak jarraituko du hartzen diren neurrien berri ematen.

Webgune honek cookie propioak eta besteenak erabiltzen ditu, nabigazio zerbitzuak hobetzeko asmoz. Nabigatzen jarraitzen baduzu, gure cookieen politika onartzen duzula ulertuko dugu.