Sare sozialei buruzko ikastaroa izango da urtarrilaren bukaeran pertsona ekintzaile eta enpresari txikientzat

Traducción automática al castellano

“Ekiten, Ekintzaile eta Enpresarien Ekosistema” egitasmoaren barruan Urola Kostako Udal Elkarteak ikastaro berri bat jarri du martxan, sare sozialei buruz.

Ikastaroaren helburu nagusia da ekintzaile eta enpresariei sare sozialak modu profesionalagoan erabiltzen erakustea; betiere, marketin eta komunikazio-erreminta gisa ulertuta. Ikastaroan ikasiko dute nola iritsi bezero berriengana sare sozialen bitartez eta nola areagotu beren presentzia eta ikusgaitasuna sarean.

Urtarrilaren 28tik 30era

Guztira, 12 orduko prestakuntza izango da eta Urola Kostako Udal Elkartearen egoitza nagusian emango da.

4 orduko 3 saiotan antolatu da ikastaroa, hiru egunez jarraian: urtarrilaren 28an hasi, astelehenarekin, eta 30ean bukatu, asteazkenarekin. Ikastaroa goizez emango da 09:30etik 13:30era.

Hauek dira prestakuntza-saioetan landuko diren gaiak:

  • Sare sozialetarako estrategia digitala: helburu orokorra eta helburu publikoa.
  • Facebook eta Instagram kontuei ahalik eta etekin handiena ateratzeko gakoak.
  • Twitter, Youtube, Vimeo eta Linkedin bezalako sare sozialen gaineko errepasoa.
  • Nola iritsi tokian tokiko publikoarengana? Google My Business.
  • Edukiak sare sozialetan: zertaz eta nola komunikatu.
  • Edukiak programatzeko aplikazioak.
  • Iruzkin eta kritiken gaineko kudeaketa.

Informazioa eta izen-ematea

Izena emateko edota informazio gehiago jasotzeko:

ekintzaileak19

Webgune honek cookie propioak eta besteenak erabiltzen ditu, nabigazio zerbitzuak hobetzeko asmoz. Nabigatzen jarraitzen baduzu, gure cookieen politika onartzen duzula ulertuko dugu.