Udaletxea eta kultur etxea jendearentzat irekiko dira berriz, astelehenetik aurrera

Deskonfinamenduaren hirugarren fasean sartuko gara ekainaren 8an eta, horrekin batera, Orioko udaletxea eta kultur etxea irekiko dira berriro.

Azken asteotan hitzordua hartu behar zen, udaletxera joateko, baina, astelehenetik aurrera, berriz irekita izango ditu ateak betiko ordutegian: 08:30etik 14:30era.

Maskara nahitaezkoa

Bai udaletxean eta bai kultur etxean nahitaez garbitu beharko dira eskuak gel hidroalkoholikoarekin sartzerakoan eta irteterakoan, eta maskara ere nahitaez erabili beharko da eremu komunetan eta bi metroko distantzia zaindu ezin denean. Bi eraikin publiko horietan eskailerak estuak dira eta ez dute aukerarik ematen bi metroko distantzia zaintzeko. Horregatik da beharrezko maskara janztea. Udaletxean, gainera, banaka jo behar dute herritarrek harrera-lekura eta, jendea pasilloetan ez pilatzeko, txanda itxoiteko tokiak markatu ditu Udalak, eskaileretan eta udaletxeko sarreran.

Ekainaren 15a da azken eguna, «Udan elkar zaintzen» programan izena emateko

Udalak eta Txurrumuski aisialdi-elkarteak martxan jarri duten «Udan elkar zaintzen» programan izena emateko epea ekainaren 15ean itxiko da. Izena eman nahi dutenek galdetegi hau osatu behar dute:

Izen-emateko galdetegia

Galdetegia bete ondoren, Txurrumuski jarriko da harremanetan izena eman dutenekin, onartuak izan diren ala ez esateko eta zehaztasunak emateko.

Urola Kostako Udal Elkarteak online ikastaroak emango ditu, lana bilatzeko eta telelana errazteko

Ekainaren 8tik aurrera, hamalau prestakuntza-modulu labur emango ditu, irekiak langabezian daudenentzat edo lanean dabiltzanentzat.

Ikastaroetan gai hauek landuko dira, besteak beste: lan-bilaketa online, telelanerako beharrezko gaitasunak, etxetik lana bilatzeko edo lan egiteko online dauden euskarri eta plataformak, krisi-egoerei aurre egiteko abileziak…

Udalak ekainaren 26an jarriko ditu martxan TAO makinak

Ekainaren 26an jarriko dira martxan hondartzako eta futbol zelaiko TAO makinak, eta irailaren 27ra arte izango dira funtzionamenduan.

Udalak etxera bidaliko dizkie aparkatzeko pegatinak ibilgailuen zerga helbideratuta daukatenei eta zerga hori dagoeneko ordaindu dutenei (betiere, Udalarekin zorrik ez badute). TAO sistema martxan jarri aurretik jasoko dute pegatina etxean.

Udako lanpostuetako aukeraketa-probak datorren asteazkenean izango dira, kultur etxean

Probak 09:00etan hasiko dira. Lanpostu hauetarako izena eman dutenek azaldu behar dute probetara: garbitzaileak, mantenimenduko langileak eta udaltzainak.

Turismo-bulegoko harreran lan egiteko izena eman dutenek ez dute asteazkenean azaldu behar. Udalak deituko die zuzenean, proba egiteko eguna jartzeko.

OLATURA-UP: Eskualdeko negozioak ezagutarazi eta bertako kontsumoa sustatzeko programa

Urola Kostako Udal Elkarteak OLATURA-UP egitasmoa abiatu du, Gipuzkoako Foru Aldundiarekin elkarlanea. Eskualdeko pertsona ekintzaile eta enpresari txikien negozioak ezagutarazi, eta bertako kontsumoa sustatzeko programa da eta ekainean garatuko da.

Erosketa-bonuak, herriko dendak suspertzeko

Kultur Etxean daude salgai erosketa-bonuak. 40 euroren truke 60 euroko erosketa egin ahal izango dute herritarrek COVID-19ak kaltetutako establezimenduetan.

Bonu horiekin denda eta establezimendu hauetan egin ahal izango dira erosketak (zerrenda eguneratzen joango gara):

Orioko Udalaren oharra terraza duten ostalarientzat

Udalak oharra kaleratu du terraza daukaten ostalarientzat, ezarritako neurriak zorrotz bete ditzaten eskatzeko.

Oharrak honela dio:

COVID-19ak sortutako egoera dela-eta, terrazak jartzeko arauak malgutu egin zituen Orioko Udalak, ostalariei erraztasunak emateko.

Deskonfinamendua bukatu arte aplikatuko ditugu arau malgu horiek, baina gogorarazi nahi dizuegu zorrotz bete behar dituzuela baldintza hauek:

Udaletxe atzeko bizikletak erretiratu egin behar dira, obrak direla eta

Udaletxe atzean bizikletak lotzeko gune bat dago, bete-beteta dagoena. Plaza inguruko obrak direla eta, Udalak hustu egin behar du udaletxe atzeko pasabidea eta, horretarako, bizikleta guztiak kendu behar dira.

Udalak ekainaren 10era arteko epea ematen die bizikleta horien jabeei, bertatik pasatu eta bizikleta erretiratzeko. Behin ekainaren 10a pasatuta, Udalak biltegira eramango ditu bizikletak, obra egin ahal izateko.

Barkatu eragozpenak.

Udalaren esker oneko mezua oriotarrei

Udalak esker oneko mezua bidali nahi die oriotarrei, asteburu honetan hondartzan erakutsi duten arduragatik eta izan duten jarrera egokiagatik.

Udalak presaz hartu behar izan zuen ostiralean Orioko hondartza «dinamikoa» bihurtzeko erabakia, Eusko Jaurlaritzako Osasun Sailak egindako gomendioa jaso ondoren. Asteburu konplikatua aurreikusten zen hondartzan, eguraldi onagatik, eta presaz hartu eta komunikatu behar izan zuen erabakia, herritarren osasuna eta segurtasuna zaintzeko.

«UDAN ELKAR ZAINTZEN» programa antolatu dute Txurrumuski elkarteak eta Udalak uztail-abuztuetan

Bizi dugun osasun-krisiak ez du aukerarik ematen aurten ohiko Udaleku Irekiak edo Gazte Abentura jarduerak antolatzeko eta, hori ikusita, Udala eta Txurrumuski elkartea elkarlanean aritu dira azken asteotan, gurasoei alternatiba bat eskaini ahal izateko.

Alternatiba hori gaur aurkeztu dute Udalak eta Txurrumuskik: «UDAN ELKAR ZAINTZEN» programa. Proposamena bat dator krisiaren hasieran Orion martxan jarri zen zaintza-sarearen irizpideekin eta erantzun egoki bat eman nahi die zerbitzuaren premia duten haur eta familiei.

Orioko hondartza ere «dinamikoa» izango da

Eusko Jaurlaritzako Osasun Sailak egindako gomendioa aintzat hartuta, Udalak erabaki du Orioko hondartza ere «dinamikoa» izango dela aurrerantzean; hau da, posible izango da bertan paseatzea, kirola egitea eta bainatzea, baina ez etzanda egotea eguzkia hartzen edo bertan egonean egotea.