«ONGI ETORRI EUSKARAREN HERRIRA!» ekimena abiatu da, euskarari zentraltasuna emateko eskualdeko eskaintza turistikoan

Urola Kosta Euskal Herriko eskualde euskaldunenetako bat da eta, ekimen honen bidez, Udal Elkarteak eta eskualdeko turismo-eragileek euskara gure eskaintza turistikoaren erdigunean kokatu nahi dute, guregana datozen bisitariek jakin dezaten euskararen berri eta inguru honetan daukan presentzia handiaren berri.

Urola Kostako Udal Elkarteak eta Gipuzkoako Foru Aldundiak sortutako ekimena da, eskualdeko bost herrietako turismo- eta euskara-zerbitzuek elkarlanean sustatu dutena, UEMArekin lankidetzan.

Atzo goizean aurkeztu zen Zarautzen eta bertan izan ziren Udal Elkarteko presidente Lourdes Salsamendi, Gipuzkoako Foru Aldundiko Turismo Zuzendari Iker Goiria eta bost udaletako eta UEMAko ordezkariak. Xabier Eguzkitze eta Pili Manterola eskualdeko herritarrek ere parte hartu zuten prentsaurrekoan. Orioko Udalaren ordezkari Bakartxo Oliden turismo-zinegotzia izan zen.

Astelehenetik aurrera hasiko da kultur etxea udako ordutegiarekin

Kutur etxeak ordutegia aldatuko du udako hilabeteetan, ekainaren 21ean hasi eta irailaren 6a arte.

Udako ordutegia goizekoa izango da: 09:00etatik 14:00etara.

Danbolin Musika Eskolaren matrikulazio-kanpaina: «Hartu musikaren olatua!»

Danbolin Musika Eskolak matrikulazio-kanpaina berezia abiatu du aurten, «Hartu musikaren olatua!» lelopean. Kanpainaren barruan hiru bideo labur prestatu ditu, sare sozialetan banatzeko.

Matrikulazioa

Urtero bezala, datorren ikasturterako matrikulazioa bi fasetan egingo da. Hauek dira aurtengo datak:

  • Ekainaren 21etik uztailaren 2ra
  • Irailaren 1etik 7ra

Aurten ere San Pedro jairik ez ospatzea erabaki du Udalak

COVID-19aren pandemiak sortutako egoera dela-eta, Udalak erabaki du aurten ere ez dituela ospatuko San Pedro jaiak. Udaleko Festa-batzordeburu Xabier Ibargurenek adierazi du «desiratzen» daudela herriko jaiak berriro antolatzeko eta kaleak festa-giroz betetzeko; baina, gaur-gaurkoz, egoerak ez duela aukerarik ematen jaiak normaltasun minimo batez ospatzeko eta Udalaren lehentasuna, betiere, herritarren segurtasuna eta osasuna zaintzea dela.

Digitalizazio arloko 7 tailer eskainiko ditu Udal Elkarteak, udan hasita, OSTIRAL TEKNOLOGIKOAK programaren barruan

SPRIren eskutik, Urola Kostako Udal Elkarteak OSTIRAL TEKNOLOGIKOAK izeneko egitasmoa antolatu du. Helburua da eskualdeko enpresei digitalizazioaren alorrean urratsak egiteko eta estrategia digitalak garatzeko trebakuntza eskaintzea.

Enpresa txiki, autonomo eta ekintzaileentzat dira tailerrak.

Oribarzarko hondartza itxita egongo da aurten ere udako denboraldian, segurtasuna bermatu ezin delako

Oribarzarko hondartza itxita egongo da udako denboraldi osoan, herritarren segurtasuna bermatzeko.

Oribarzarko hondartza ez dago bainurako baimendutako Gipuzkoako hondartzen artean, hango uraren kalitatea txarra izaten delako, batez ere marea behean. Horren ondorioz, sorosle-zerbitzurik ez dago eta, beraz, ezin da bermatu erabiltzaileen segurtasuna.

Horrez gain, ondotik pasatzen den errepidea oso egoera txarrean dago eta arriskua dago zati batzuk hondartza gainera erortzeko. Hori dela-eta, Udalak hesituta dauka Oribarzarko hondartza eta arriskuaz ohartzen duten seinaleak jarri ditu.

Hondartza-denboraldia ekainaren 15etik irailaren 15era izango da aurten

Astearte honetan, ekainak 15, irekiko da hondartza-denboraldia Orion, Gipuzkoako kostaldeko beste herrietan bezala. Irailaren 15a arte iraungo du.

COVID-19ak sortutako osasun-krisiak eragina izango du udako denboraldiaren antolaketan eta, iaz bezala, Udalak hainbat neurri hartu ditu hondartzaren erabilera arautzeko. Helburua, betiere, bertako nahiz kanpoko erabiltzaileen segurtasuna bermatzea da, eremuaren masifikazioak sortu dezakeen kutsatzeko arriskua gutxituz.

Herriko Plazako eta Aritzaga kaleko estoldak eta hodiak garbituko ditu Udalak astelehen eta astearte goizean

Herriko Plazan, Endaia plazan eta Aritzaga kalean egindako obrak bukatu ondoren, instalatu diren estolda eta hodi berriak garbitu behar dira, obraren eraginez sortutako zakarrak eta hondarrak erretiratzeko eta instalazioa behar bezala funtzionatzen uzteko.

Aldaketak egin ditu Udalak herriko zenbait aparkalekutan

Udala herriko aparkalekuen lanketa egiten ari da eta hainbat bilera egin ditu herritarrekin gaia aztertzeko eta eremu batzuetako arazoei konponbidea emateko.

Anibarko Portua

Lanketa horren barruan, Udalak erabaki du aurrerantzean Anibarko Portuko aparkalekuak oriotarrentzat izango direla eta, beraz, kanpotik datozen ibilgailuek ezin izango dituzte erabili. Egun hauetan pintatuko ditu Udalak lurreko seinaleak, hori adierazteko.

Anibarko Portuan erabilera librekoak izango diren aparkaleku bakarrak ekialdeko muturrekoak izango dira (irudian, puntu zuri batez markatutako eremua).

Bide-zati bat itxiko da obragatik, astebetez, Zaragueta eskolaren inguruan

Argazkian ikusten den zebra-bidea oso egoera txarrean dago eta Udalak guztiz berritu behar du. Hori dela-eta, bihar asteazkenetik hasi eta astebetez, itxita izango da Abaromendi kaleko bide-zati hori ibilgailuentzat.

Ekainaren 11 da azken eguna udako Mintzalagun programan izena emateko

Mintzalagun programak harremanetan jartzen ditu euskaraz dakiten pertsonak eta ikasten ari direnak, astean ordubetez euskaraz hitz egiteko. Ikasturtean zehar 70 pertsona inguru ibili dira Mintzalagun programan Urola Kosta bailaran, hiruzpalau laguneko talde txikitan banatuta. Egitasmoak duen harrera onak bultzatuta, udan ere eskaintzea erabaki dute programaren arduradunek.

Aurtengo egoera kontuan hartuta, AEK-k ahalegin berezia egingo du jarduera espazio seguruetan eskaintzeko eta segurtasun-neurri guztiak betetzeko.

Iberdrolaren oharra: generadorea jarriko du Gaztelekuaren ondoan astelehenetik asteazkenera

Gaur goizean hasi eta asteazkena bitartean, Iberdrolak hainbat lan egin behar ditu sare elektrikoan. Hori dela eta generadore bat instalatuko du AutoLan tailerraren eta Gaztelekuaren inguruan dagoen transformadorearen ondoan, konponketa-lanak egiten dituen bitartean energia-hornidura ez eteteko.

Generadoreak zarata sortuko du eta Iberdrolak barkamena eskatzen die bizilagunei eragozpenengatik eta adierazi du saiatuko dela ahalik eta arinen egiten.

Lanak aurreikusita bezala egiten badira, asteazken goizean kenduko da generadorea.