Albisteak

Albisteak

Anuska Esnal Oliden alkateak oharra kaleratu du, herritarrei ardura eskatzeko aurtengo Kontxako estropadak direla eta. Oharrak honela dio:

Kontxako estropada oso berezia da oriotarrontzat eta izugarri maite dugu iraileko lehen bi igandeetan horren inguruan sortzen den giroa. Donostiako arraun-festa bezalakorik ez dago kirol hau barrutik bizi dugunontzat eta oriotar asko eta asko eguna iritsi zain egoten dira, ilusioz ospatzeko.

Ilusio eta festa-gogo hori ederra da eta ez dugu galdu behar, baina, alkate gisa dudan arduragatik, gogoraraztea tokatzen zait aurten ez gaudela egoera normalean eta beste modu batera ospatu behar dugula datozen bi igandeotako jaia, osasun-agintariek ematen dizkiguten arauak betez eta elkar zainduz.

share with Whatsapp

Albisteak

Datorren larunbatean, irailaren 5ean Nazioarteko Organo jaialdiak antolatuta V. Flysch programaren barruan kontzertua izango da Orioko San  Nikolas elizan arratsaldeko 20:00etan.

Lucie Záková eta Carlos Arturo Guerra musikariek joko dute organoa lau esku eta lau hanketara.

Oriokoa lehenengo kontzertua izango da, V. Flysch jaialdiak ondoren Deba, Getaria, Zumaia eta Mutrikun antolatuko ditu beste kontzertu batzuk.

share with Whatsapp

Albisteak

Asteartean irekiko da Danbolin Musika Eskolan matrikulatzeko epea.

Irailaren 1etik 8ra bitartean izango da matrikulatzeko aukera.

Irailaren 1ean irekiko da epea, Danbolin Musika Eskolan matrikulatzeko 2020-21 ikasturterako.

Ikasturtea irailaren 10ean, ostegunean hasiko da eta ikasketa hauek egin daitezke:

1. maila (4, 5 eta 6 urtekoak)
  • Tailerra: 1, 2 eta 3. kurtsoak.

2. maila (7 urtetik aurrera)
  • Musika-mintzaira: 0, 1, 2, 3 eta 4. kurtsoak.
  • Euskal dantza eta instrumentu hauek: txistua, klarinetea, saxofoia, flauta, trikitixa, tronpeta, biolina, gitarra klasikoa, eskusoinua, pianoa, perkusioa, panderoa eta biolontxeloa.

Oharra: instrumentuko plazak mugatuta daude.

3. maila (12 urtetik aurrera)
  • Ikasketa osagarriak: musika espezializatua.
  • Euskal dantza eta instrumentu hauek: txistua, klarinetea, saxofoia, flauta, trikitixa, tronpeta, biolina, kantua, gitarra klasikoa, gitarra elektrikoa, eskusoinua, pianoa, perkusioa, panderoa eta biolontxeloa.

Matrikulazioa
Irailaren 1etik 8ra bitartean egongo da zabalik izena emateko epea, 10:00etatik 14:00etara eta 14:30etatik 19:00etara.

Informazio gehiago
Izena emateko edo informazio gehiago jasotzeko, jo Musika Eskolara (943 833 727 telefonoa).
 
share with Whatsapp

Albisteak

 

Ostiral eta larunbat honetarako eguraldi txarra emanda dagoenez gaurko aurreikusirik zegoen Glass filmaren proiekzioa eta bihar plazan izango zen Manez eta kobreak musika taldearen kontzertua atzeratzea erabaki du Orioko Udalak. 

Haize eta euri asko aurreikusten denez ekitaldiak atzeratzea egokiago ikusi du Kultura sailak eta udazkenean bi emanaldi hauek burutzeko konpormezua hartu du.

share with Whatsapp

Albisteak

 

Datorren larunbateko sardin jana eta trikitilariak bertan behera geratu dira, ez ordea kontzertua

Egungo osasun egoera aintzat hartuta, udalak erabaki du abuztuaren 29rako aurreikusita zegoen sardin jana eta trikitilariak bertan behera uztea. Ikastola ondoko plazan egitea aurreikusten zen, 19:00etan, baina segurtasun neurriak guztiz bermatu ezin direla ikusita, ekitaldia ez da egingo. 

Edonola ere, egun horretarako programatuta dagoen plazako kontzertuari eusten dio udalak: Manez eta kobreak musika taldeak joko du, 20:00etan, herriko plazan. Emanaldia doakoa izango da, baina aforoa mugatua. Bertan ezarriko diren aulkiak bete orduko kontzertuko gunea itxi egingo dugu. 

share with Whatsapp

Albisteak

Gaur arratsaldeko 20:00etan Orioko herriko plazan izango da OREKA TX musika taldearen kontzertua.

Bertara hurbiltzeko asmoa dutenei jakinarazi nahi dizuegu emanaldia doakoa izan dela baina aforoa mugatua. Udalak ezarriko dituen aulkiak bete orduko kontzertuko gunea itxi egingo dugu. 

Jende pillaketak ekiditea eskertuko genizueke guztien segurtasuna berma dezagun. 

share with Whatsapp