Albisteak

Salgai daude dagoeneko Inauteriko bazkarirako txartelak

Inauterietako larunbatean, otsailaren 22an, herri-bazkaria antolatu du Udalak udal-pilotalekuan, azken urteotan bezala. Bazkaritarako txartelak kultur etxean erosi daitezke dagoeneko.

Bi menu dauden aukeran: bat helduentzat eta bestea haurrentzat:

• Helduen menua: Entsalada, iberikoak, Lumagorri oilaskoa, txerri-saiheskia, Ezeiza pastel-surtidoa, edaria eta kafea 18€
• Umeen menua: kroketak, iberikoak, Lumagorri oilaskoa, izozkia eta edariak 12€

Udal Elkarteak bi prestakuntza-saio antolatu ditu, enpresa edo negozio txikien ondorengotzari buruz

Nahi baino gehiagotan gertatzen da enpresa edo negozio txikiren bat ixtea, jabea erretiratu egiten delako eta segidarik ematen ez zaiolako. Hori ikusita, Urola Kostako Udal Elkarteko Enpresentzako Zerbitzuak ekimen berria abiatuko du, ondorengotzari buruzko prestakuntza eta banakako aholkularitza eskaintzeko epe motz-ertainean egoera horretan gerta daitezkeen eskualdeko negozio jabeei. Ekimenaren bidez, eskualdeko enpresa eta negozio bideragarriak ixtea ekidin nahi du Udal Elkarteak, horrek eragingo lukeen aberastasun- eta enplegu-galera saihesteko.

Urtarrileko eta otsaileko jardueren programa argitaratu du Udalak

Udalak kaleratu berri du urtarrileko eta otsaileko kultur jardueren programazioa. Ekitaldi hauek osatzen dute programa:

URTARRILAK 24, OSTIRALA

17:30 Pirritx, Porrotx eta Marimototsen Musua ekitaldia kiroldegian, Herri Ikastolak antolatuta.

22:00 Artantxuriketan ikuskizuna. Arto-zuriketaren antzezpena, kantu eta kontakizunekin. Sarrera aldez aurretik erosi behar da, 2 eurotan.

Dagoeneko beteta dago Noka ikastaroa

Arrakasta handia izan du Ahalduntze Eskolak eta Udaleko Euskara Zerbitzuak elkarlanean antolatutako Noka ikastaroak eta dagoeneko beteta daude plazak. 20 lagun daude izena emanda eta ez dago jende gehiago hartzeko modurik. Hemendik aurrera izena ematen dutenak itxaron-zerrendan geratuko dira.

Ikastaroa ostiral arratsaldetan izango da. Guztira 6 saio izango dira, ordu eta erdikoak, otsailaren 28an hasi eta apirilaren 3an bukatuta. 18:00etatik 19:30era izango dira klaseak, Salatxo aretoan. Ikastaroaren helburua guztiz praktikoa da: nokaren oinarriak ikastea ariketa praktikoen bidez.

Klaseak AEK-ko irakasle Amaia Zalduak emango ditu.

Enric Benito onkologoak hitzaldia emango du Orion, otsailaren 10ean

Otsailaren 10ean, astelehenarekin, Mandalara elkarteak Udalaren babesarekin antolatutako hitzaldia izango da Ikastolako areto nagusian, 19:00etan hasita.

Hitzaldia gaztelaniaz izango da eta izenburu hau du: "Sabiduría y compasión. La esencia del acompañar".

Udalak eta Aldundiak parte-hartze prozesu bat abiatuko dute urtarrilaren 21ean, haurren kale-jolas autonomoa eta aktiboa sustatzeko

Parte-hartze prozesuaren barruan hiru bilera egingo dira urtarrilean eta otsailean. Lehenbizikoa datorren asteartean izango da, urtarrilaren 21ean, eta gaiarekin interesa duten eragile eta lagun guztiak gonbidatu nahi ditu Udalak.

Bilera kultur etxeko areto nagusian egingo da, 18:00etatik 20:00etara.