Albisteak

Zinea izango da abuztuaren 24an, ikastola aurreko plazan: Aquaman

Abuztuaren 24an, larunbatarekin, zine-emanaldia izango da ikastola aurreko plazan, 22:00etan hasita, udako kultur programazioaren barruan. ‘Aquaman’ filma proiektatuko da, gaztelaniaz.

Udalak lau film programatu ditu aurtengo udan eta hau izango da azkena.

Sarrera doan izango da.

Eguraldi txarra egiten badu, zine-emanaldia Herriko Plazan egingo da.

Abenturazko filma, haurrekin ikusteko egokia

James Wan-ek zuzendu du filma eta Jason Momoa da aktore protagonista, Aquaman-en papera jokatzen duena. Joan den urteko Gabonetan estreinatu zen eta harrera ona izan zuen. Bi ordu luze irauten du.

Itsaso azpian kokatuta dagoen Atlantis hiria salbatzen ahaleginduko da Aquaman. Arthur Curry (Jason Momoa) jabetzen da erdi gizaki eta erdi atlantea dela eta, ondoren, bide luze bati ekingo dio, Atlantisen bere tokia aurkitzeko eta hiriak bizi dituen arriskuetatik ateratzeko.

Paul San Martin & Denis Agenet bikotearen kontzertua izango da abuztuaren 16an, ‘Ziaboga’ musika-zikloraren barruan

Datorren abuztuaren 16an, ostiralarekin, kontzertua izango da Herriko Plazan, 19:30ean hasita, Udalak eta Enbor Akzio Kulturakak elkarrekin antolatutako ‘Ziaboga’ musika-zikloaren barruan.

Kontzertua doan izango da.

PAUL SAN MARTIN & DENIS AGENET (EH-Frantzia)

15 urtez geroztik musikagintzan aritua, gaur egun Blues estiloko piano-jotzaile entzutetsua da Paul San Martin. Stride eta Boogie Woogie estiloko doinuek erakarrita, 2011n Gaztelupeko Hotsaken zigilupean, “Tracks” izeneko lana argitaratu zuen. Stay Blues izeneko taldearekin, hamaika blues- eta jazz-jaialditan aritutakoa da; horien artean, Donostiako Jazzaldian hainbatetan hartu du parte. Izen handiko artistekin kolaborazioak egina da eta Ziaboga musika zikloan, Denis Agenet bateria-jotzaile frantsesarekin hartuko du parte.

Ikusi bideo bat hemen: https://youtu.be/LkJujcS2lFI

Info +: http://paulsanmartin.com

Larunbateko film proiekzioa eta igandeko musika kontzertua Herriko plazan izango dira.

Datorren abuztuaren 10ean larunbata hondartzan aurreikusirik zegoen Harpetarra filma Herriko Plazan proiektatuko da betiko ordu berean, gaueko 22:00etan hain zuzen ere, eguraldi txarra iragarrita baitago.

Arrazoi beragatik abuztuaren 11erako igandea ZIABOGA MUSIKA ZIKLOan programaturik genuen Sambastian taldearen kontzertua Herriko Plazan izango da 20:15etan, aurreikusia baino 45 minutu beranduago.

Barkatu eragozpenak.

Sambastian taldearen kontzertua izango da abuztuaren 11n, ‘Ziaboga’ musika-zikloraren barruan.

Datorren abuztuaren 11n, igandearekin, kontzertua izango da hondartzan, 19:30ean hasita, Udalak eta Enbor Akzio Kulturakak elkarrekin antolatutako ‘Ziaboga’ musika-zikloaren barruan.

Kontzertua doan izango da.

SAMBASTIAN (Brasil)

Sambastian taldeak brasildar kultura bete-betean barneratuko ditu entzuleak samba doinuen bidez. Brasildar musikaren ezinbesteko osagaiek ez dute hutsik egingo: dantza, samba, perkusioak… Euskal musikarien eta musikari brasildarren arteko topagunea da Sambastian musika-taldea. Samba doinua jotzeko nahiak erakarrita, Daniel Bordonabak (panderoa), Henrique Barrosek (cavaquinho eta ahotsa), Hugo Silveirak (gitarra eta ahotsa) eta Juan Luis Anulak (perkusioa) osatzen dute taldea.

Ikusi bideo bat hemen: https://youtu.be/w0qJZbDb65o

Info +: http://musicabrasil.es/project/sambastian

Benta bidea itxita egongo da datorren larunbatean eta astelehenean, Woody Allenen pelikularen grabaketagatik

Abuztuaren 10 eta 12an, Benta bideko errepidea moztu egingo da Woody Allenen pelikularen grabaketa dela-eta. Auzoko bizilagunek soilik izango dute errepidean pasatzeko aukera.

Gipuzkoako leku ezberdinetan bezala, Orioko Benta bideko errepidean, pelikularen zati bat grabatuko du Woody Allen estatubatuar zinema zuzendariak datozen egunetan. Grabaketak bi egunetan zehar egingo dira, abuztuaren 10ean eta 12an. Horregatik, abuztuaren 10, larunbata, Benta bidea itxita egongo da goizeko 07:00etatik 18:00etara. Astelehenean berriz, abuztuaren 12an goizeko 07:00etatik arratsaldeko 20:00etara itxiko da errepidea.

Zinea izango da abuztuaren 10ean, hondartzan: Harpetarra

Abuztuaren 10ean, larunbatarekin, zine-emanaldia izango da hondartzan, 22:00etan hasita, udako kultur programazioaren barruan. ‘Harpetarra’ filma proiektatuko da, euskaraz.

Udalak lau film programatu ditu aurtengo udan eta hau izango da hirugarrena.

Sarrera doan izango da.

Eguraldi txarra egiten badu, zine-emanaldia Herriko Plazan egingo da.

Abenturazko filma, haurrekin ikusteko egokia

Nick Park-ek zuzendu du ‘Harpetarra’ filma. “Wallace & Gromit” filmagatik Oscar sari bat irabazi zuen Park-ek.

Aardman animazio-estudioen laguntzarekin (“Shaun arditxoa”), Historiaurrean kokatutako istorio bitxia sortu du. Hauxe da sinopsia:

“Dug harpetarra eta Urde basurdea dira abentura honetako protagonistak. Bi zibilizazio, Harri Arokoa eta Brontze Arokoa, lehian ari dira historian tokitxo bat lortzeko. Nola? Ba beren arbasoek irakatsi zien moduan: “joko sakratuarekin”. Historian jokatuko den partidarik epikoena izango da! Jokoan ez dago kopa bat, baizik eta Dugen tribuak bizirik jarraitzea.”.